Главная | Регистрация | Вход | RSSВоскресенье, 20.01.2019, 20:49

МБОУ "Арылахская агротехнологическая СОШ им.Л. Попова"


Телефон доверия: 8(4112)42-10-28, +7(495)104-68-38. 
 «Горячая линия» ЕГЭ: 8(4112)42-10-46, ОГЭ: 8(4112)42-10-48, 8(495)984-89-19.
Меню сайта
Наш опрос
Оцените мой сайт
Всего ответов: 17
Статистика

Онлайн всего: 1
Гостей: 1
Пользователей: 0
Форма входа
Главная » 2016 » Февраль » 8 » "Игры предков"
07:08
"Игры предков"

 

Өбүгэ оонньуулара

2010 сыл күһүнүгэр төрөөбүт үөскээбит нэһилиэкпэр Уһун-Күөлгэ Л.Попов аатын сүгэр Арыылаах орто оскуолатыгар Чурапчытааҕы физкультурнай институту бүтэрэн физкультура учууталынан үлэлии кэлбитим. Ол күнтэн күн бүгүнүгэр диэри таптаан, талан ылбыт учуутал идэбинэн үлэлии, оҕолору араас спорт көрүҥнэригэр, ким хайа көрүҥҥэ дьоҕурдааҕынан көрөн төһө бириэмэм тиийэринэн дьарыктыы сылдьабын.

Оҕо эрдэхпиттэн тоҕо эрэ спорт сахалыы көрүҥнэрин ордорор этим. Ол курдук үөрэппит учууталым Г.П.Иванов элбэх сахалыы көрүҥҥэ дьарыктаан оройуон да Республика да түһөлгэлэригэр элбэхтик бириистээх миэстэ иһигэр тиксибитим. Бу билигин саныырбынан хас биирдии саха оҕото бэйэтин төрүт сахалыы оонньууларын билиэхтээх, сатыахтаах дии саныыбын. Сахалыы оонньуулар көрдөххө судургу курдуктар эрээри киһини эт-хаан, өй-санаа өттүнэн сайыннарар бэйэтэ ураты дьоҕурдаахтар. Олох былыр, тренер, инструктор диэн идэлээх киһи суох эрдэҕинэ, саха күүстээх дьоно элбэх этэ. Ол курдук Майаҕатта Бэрт Хараны, Манчаары Баһылайы, Далан  «Тулаайах оҕо» романыгар суруллар Даҕанча хоһууну уо.д.а саха ааттаах бухатыырдарын анал үөрэхтээх тренер кэлэн эрчийбэтэҕэ чахчы. Биллэн турар бу судургу сахалыы хамсаныылартан эт-хаан өттүнэн сайдыбыт диэн буолаллар.

Агро хайысхалаах оскуолалар икки ардыларыгар «Игры предков» диэн күрэх Республикаҕа ыытыллыбыта быйыл 8 сыла. Бу күрэххэ киирэллэр: тутум эргиир, ойбонтон уулааһын, кириэс тэбии, көтөх ына5ы туруоруу, хабылык, хаамыска, кулун тардыьыыта, түһэ былдьаһыы, наартаны үрдүнэн ойуу уонна «Чыысхай». Быйыл 2015 с сэтинньи 24 күнүгэр улуус күрэхтэһиитин биһиги оскуолабытыгар тэрийэн ыыттыбыт. 4 хамаанда кэлэн кыттыыны ылла: Куокуну, Бордоҥ, Күндэйэ, Арыылаах оскуолалара илин-кэлин түһүстүлэр. Кыайыыны Арыылаах оскуолата ситистэ. Хамаандаҕа М.Женя, Т.Тимур, С.Гриша, Т.Дора, С.Ванесса, Олоҥхо дьанрын толорооччу К.Юлиана кыттыыны ыллылар. Иккис сылын Сунтаар улууһугар I миэстэни ылан аргооскуола көһө сылдьар кубогынан уонна мэтээлинэн наҕараадаламмыттара.

Ахсынньы 4-6 күннэригэр Хаҥалас улууһун Улахан-Аан оскуолатыгар VIII Республиканскай спортивнай фестивальга «Өбүгэлэр оонньууларыгар» биһиги оскуолабыт оҕолоро ситиһиилээхтик кыттан кэллилэр. Дойдубутуттан эрдэ хоҥнон, Дьокуускайга киинэ театрыгар, боулинг кулуубугар сылдбан,ыраах айаннаан тиийбиччэ сынньана, аралдьыйа түстүбүт. Ол кэннэ Ханалас Улахан Аан нэһилиэгэр аайммытын саҕалаатыбыт. Барыта 15 хамаанда кэлбит этэ, бары улуус чемпионнара. Икки күн устата кытаанах тыҥааһыннаах киирсиилэр түмүктэринэн биһиги оҕолорбут 6 миэстэҕэ таҕыстылар. Бэйэни билиһиннэриигэ – III миэстэ, уолаттарга наартаны ойууга Т.Тимур 201 наартаны ойон III миэстэ, «Чыысхайга» чемпион үрдүк аатын ылан оҕолордуун долгуйа үөрдүбүт. «Чыысхайга»С.Гриша уолаттарынаан хас оонньуу ахсын, көрөн олорон албас, комбинация толкуйдаан, бииртэн биир күүстээх хамаандалары кыайаннар Сунтаар улууһа кыраһыабай уонна чаҕылхай кыайыыны ситиспитэ.бу оонньуу биһиги оройуоммутугар сүрдээҕин сайдыбытын биһиги оҕолорбут Республикаҕа көрдөрдүлэр.

Улуус күрэҕин "Өбүгэлэр оонньууларын” тэрийсибит Татьяна Саввичнаҕа, Надежда Кузьминичнаҕа, Валентина Григорьевнаҕа, минньигэс астаах повардарбытыгар, бииргэ үлэлиир коллегаларбар Михаил Юрьевичка, Ольга Денисовнаҕа ис сүрэхпиттэн махталбын тиэрдэбин.

VIII-с төгүлүн Республикаҕа ыытыллар "Өбүгэлэр оонньууларыгар” үбүлээн, тэрийэн ыыппыт оскуолабыт директорыгар Татьяна Петровнаҕа, Татьяна Саввичнаҕа, Надежда Кузьминичнаҕа, Валентина Григорьевнаҕа, суоппрадаан илдьбит аҕалбыт бэйэбит нэһилиэкпит ыччатыгар Павлов Семен Ивановичка уонна быйыл саҥа физкультура учууталынан үлэлии кэлбит Ольга Денисовнаҕа тус бэйэм ааппыттан улахан махталбын тиэрдэбин.

Эһиилги үөрэх сылыгар эмиэ улууспут күрэҕин кыайаммыт, Кэбээйигэ буолар Республика оскуолаларын фестивалыгар ситиһиилээхтик кыттар баҕа санаалаахпыт.

И.В.Тихонов, физкультуура учуутала

 

Просмотров: 229 | Добавил: ljubuk | Рейтинг: 0.0/0
Всего комментариев: 0
Имя *:
Email *:
Код *:
Поиск
Календарь
«  Февраль 2016  »
ПнВтСрЧтПтСбВс
1234567
891011121314
15161718192021
22232425262728
29
Архив записей
Полезные ссылки
  • Официальный сайт Министерства образования и науки Российской Федерации

  • Федеральный портал "Российское образование"

  • Информационная система "Единое окно доступа к образовательным ресурсам"

  • Единая коллекция цифровых образовательных ресурсов

  • Федеральный центр информационно-образовательных ресурсов

  • Copyright MyCorp © 2019
    Бесплатный хостинг uCoz